DREAMS IN SCRIBBLES

ઘર આંગળે ના વૃક્ષ પર મેં જોયું એક પંખી

નાનકડું , સુંદર , મજાનું હતું એ રંગબેરંગી

ખુબ જ અદભુત હતી એની આંખ

પણ ન હતી એને એક પાંખ

આખો દિવસ કૂદાકૂદ કરતુ એ ડાળી ઉપર

પરંતુ ઉડી ન શકતું અને પડતું જમીન પર

આંસુ આવી જતા એની નાની નાની આંખ માં

માં એને વહાલ કરતી અને ખવડાવતી ચાંચ માં

હિમ્મત નહિ હારતું એ , પ્રયત્ન કરતુ દરરોજ

એક દિવસ ગગન માં ઉડશે એવી હતી એની સોચ

કોને કહ્યું એક પાંખે ન ઉડાય ?

તીવ્ર ઈચ્છા હોય તો કઈ પણ કરાય

એને સપના માં એક રાત જોયું પોતાને ઉડતું

વિચાર્યું ‘ મારા સ્વપન ને હું ચોક્કસ કરીશ સાચું’

કોશિશ કરતા કરતા આવ્યો એ દિવસ

ઉડ્યું એ આકાશ માં, જાણે ઉડે પતંગ

હાર નહિ માનવાનું મળ્યું એને ફળ

ખુશી મળી ઉડવાની એને જીવન ભર.

–       અનાયા શેઠ